21 Noyabr 2025

Əvvəlcə IDEA İctimai Birliyi tərəfindən Lənkəran rayonunda meşə ərazisində “Yaşıl Marafon” çərçivəsində ağacəkmə aksiyası təşkil olunub. Könüllülərin iştirakı ilə həyata keçirilən aksiyada 1350 ədəd Eldar şamı tingi əkilib. Tədbir zamanı yaşıllıq zolaqlarının genişləndirilməsi, meşə fondunun bərpası və ekosistemin mühafizəsi istiqamətində reallaşdırılan işlər barədə məlumat verilib.

20 Noyabr 2025

Ekologiya və Təbii Sərvətlər Nazirliyinin həyata keçirdiyi “II Yaşıl düşüncə maarifləndirmə proqramı” çərçivəsində gənclər “Azəryaşlandşaft” ASC-nin tinglik sahəsinə səfər ediblər. Səfərin məqsədi onların ekoloji bilik və bacarıqlarını artırmaq, təbiət elmlərinə marağını gücləndirmək, həmçinin yaz və payız mövsümlərində əkilən ting növləri, onların əkilmə texnikası və aqrotexniki qulluq qaydaları barədə praktiki təsəvvürlərini genişləndirmək olub.

19 Noyabr 2025

Ekologiya və Təbii Sərvətlər Nazirliyi tərəfindən həyata keçirilən “II Yaşıl düşüncə maarifləndirmə proqramı” çərçivəsində gənclər üçün müasir marketinq alətləri və süni zəka əsaslı həllərin ekologiya sahəsində tətbiqi mövzusunda növbəti təlimlər təşkil olunub.

19 Noyabr 2025

“Milli parkları yaxından tanıyaq” devizi ilə 21 noyabr tarixində Abşeron Milli Parkında “açıq qapı” günü və maarifləndirici tədbir təşkil ediləcək. Həmin gün parkı ziyarət edən hər kəs üçün giriş ödənişsiz olacaq.

18 Noyabr 2025

Ekologiya və Təbii Sərvətlər Nazirliyi və Qırmızı Ürəklər Fondu tərəfindən həyata keçirilən “Batareyaları təhvil ver, təbiəti qoru” layihəsi çərçivəsində istifadəyə yararsız batareyaların toplanması və təhvil verilməsi prosesi davam edir.