10 Sentyabr 2025

“Xəzəri qoruyaq!” sahilyanı təmizlik aksiyası çərçivəsində 1-8 sentyabr tarixlərində Xəzər dənizinin Siyəzən, Neftçala, Lənkəran və Astara sahillərində iməciliklər təşkil olunub.

08 Sentyabr 2025

Ölkə ərazisində fəaliyyət göstərən şadlıq sarayları və ictimai-iaşə obyektlərindən havaya atılan tullantıların mövcud ekoloji normativlərə uyğunluğunu müəyyən etmək məqsədilə növbəti monitorinqlərə başlanılır.

08 Sentyabr 2025

Qışa hazırlıq məqsədilə qazlaşdırılmayan kəndlərin əhalisinin, Müdafiə Nazirliyi və Dövlət Sərhəd Xidmətinin hərbi hissələrinin, təhsil, səhiyyə müəssisələrinin odun yanacağı ilə təmin olunması üçün oduncaq tədarükü davam edir.

07 Sentyabr 2025

BMT tərəfindən 2019-cu ildə təsis olunmuş “Mavi səma üçün təmiz hava günü” hər il 7 sentyabr tarixində qeyd olunur. Bu günün əsas məqsədi – təmiz havanın insan sağlamlığı, ekosistemlər və iqlim üçün nə qədər vacib olduğunu dünyaya xatırlatmaqdır.

05 Sentyabr 2025

“Təmiz ölkəm” devizi altında keçirilən təmizlik aksiyaları çərçivəsində 5 sentyabr tarixində Ekologiya və Təbii Sərvətlər Nazirliyinin, Naxçıvan Muxtar Respublikasının Ekologiya və Təbii Sərvətlər Nazirliyinin yerli qurumlarının, yerli icra hakimiyyəti orqanlarının, bələdiyyə nümayəndələrinin və sakinlərin, Şirvan Gənclər Evinin, Mingəçevir “ASAN xidmət”, Naxçıvan regional “ASAN xidmət” mərkəzlərinin könüllülərinin, ekokönüllülərin iştirakı ilə Xəzər dənizinin Bilgəh, Sumqayıt, Lənkəran sahillərində, Kür çayının Şirvan şəhərindən keçən hissəsində, Xaçmaz rayonu İstisu qəsəbəsində, Laçın rayonu Bozlu kəndində, Şahbuz rayonu Heydər Əliyev Su Anbarının ətrafında, Mingəçevir şəhəri F.Abdullayev küçəsi Bozdağın ətəyində, Şəki rayonu Göynük, Göygöl rayonu Hacıkənd, Bərdə rayonu Aslan-Əyricə meşəbəyliklərində təmizlik aksiyaları keçirilib, ərazilər ümumilikdə 3.6 tondan artıq tullantıdan təmizlənib.