“Batareyaları təhvil ver, təbiəti qoru” layihəsi çərçivəsində 217 kiloqram işlənmiş batareya toplanaraq təhvil verilib

Ekologiya və Təbii Sərvətlər Nazirliyi və Qırmızı Ürəklər Fondu tərəfindən həyata keçirilən “Batareyaları təhvil ver, təbiəti qoru” layihəsi çərçivəsində növbəti batareya yığımı uğurla başa çatıb.

Layihə çərçivəsində ekokönüllülər

- “Global Media Group”dan;

- Xəzər Media Mərkəzindən;

- “Bravo” supermarketlər şəbəkəsinin 20 Yanvar filialından;

- “Araz” supermarketlər şəbəkəsinin Binəqədi və Yasamal filiallarından

ümumilikdə 217 kq işlənmiş batareya toplayaraq “Tullantıları İdarəetmə Mərkəzi” MMC-yə təhvil veriblər.

İşlənmiş batareyaların düzgün toplanması və təhlükəsiz utilizasiyası ətraf mühitin mühafizəsində, torpaq və su ehtiyatlarının çirklənməsinin qarşısının alınmasında mühüm rol oynayır. Bu layihənin uğurla həyata keçirilməsinə töhfə verən bütün tərəfdaşlarımıza və təşəbbüsə qoşulan vətəndaşlarımıza təşəkkürümüzü bildiririk.