“Batareyaları təhvil ver, təbiəti qoru” layihəsi çərçivəsində 83 kiloqram işlənmiş batareya toplanaraq təhvil verilib

Ekologiya və Təbii Sərvətlər Nazirliyi və Qırmızı Ürəklər Fondu tərəfindən həyata keçirilən “Batareyaları təhvil ver, təbiəti qoru” layihəsi çərçivəsində növbəti batareya yığımı uğurla başa çatıb.

Layihə çərçivəsində ekokönüllülər

- Azərbaycan Sənaye Bankından;

- “Araz” supermarketlər şəbəkəsinin Qutqaşınlı-2 filialından;

- “Bravo” supermarketlər şəbəkəsinin Əhmədli filialından;

- “Xəzər Elektron” MMC-dən;

- 225 nömrəli tam orta məktəbdən

ümumilikdə 83 kq işlənmiş batareya toplayaraq “Tullantıları İdarəetmə Mərkəzi” MMC-yə təhvil veriblər.

İşlənmiş batareyaların düzgün toplanması və utilizasiyası ətraf mühitin qorunmasına, torpaq və su ehtiyatlarının çirklənməsinin qarşısının alınmasına mühüm töhfə verir. Layihəyə dəstək göstərən bütün tərəfdaşlara və vətəndaşlara təşəkkür edirik.