Növbəti “Tullantıları tinglərə dəyiş” aksiyası keçirilib

Ekologiya və Təbii Sərvətlər Nazirliyinin təşkilatçılığı və “Bravo” supermarketlər şəbəkəsinin dəstəyi ilə “Tullantıları tinglərə dəyiş” aksiyası bu dəfə Xəzər rayonunun Şüvəlan qəsəbəsində keçirilib.

Vətəndaşlar ümumi tututmu 705 litr olan plastik tullantı və 55 ədəd işlənmiş batareya təhvil verərək əvəzində Eldar şamı, sərv, nar və badam tingləri əldə ediblər.

Bu təşəbbüsün əsas məqsədi ətraf mühitin mühafizəsini, tullantıların düzgün idarə olunmasını təşviq etmək və daha yaşıl gələcəyə töhfə verməkdir.

Aksiyada fəal iştirak edən hər kəsə təşəkkür edirik. Vətəndaşların məsuliyyətli yanaşması təbiətin qorunmasında mühüm rol oynayır.