İctimai dinləmə keçirilib

Ekologiya və Təbii Sərvətlər Nazirliyində Azərbaycan Respublikasında plastik qablaşdırma tullantılarının ətraf mühitə mənfi təsirinin azaldılmasına dair 2019-2020-ci illər üçün Tədbirlər Planı çərçivəsində görülmüş işlərin davamı olaraq birdəfəlik istifadə üçün nəzərdə tutulan bir sıra plastiklərin dövriyyəsinin məhdudlaşdırılması, onların təkrar emala cəlb edilməsi və alternativ materialların istehsalının stimullaşdırılması məqsədilə hazırlanmış “Ətraf mühitin mühafizəsi haqqında” Azərbaycan Respublikasının Qanununda dəyişiklik edilməsi haqqında” Azərbaycan Respublikasının Qanun layihəsi ilə bağlı ictimai dinləmə keçirilib.

Dövlət və özəl qurumların əməkdaşları, QHT nümayəndələri, ekoloqlar və digər maraqlı tərəflərin iştirak etdiyi tədbirdə sözügedən normativ hüquqi akt layihələri barədə ətraflı məlumat verilib, iştirakçıların sualları cavablandırılıb.