“Tullantıları dəyərə, ekoçantanı vərdişə çevir” devizi ilə növbəti “Tullantıları ekoçantaya dəyiş” aksiyası keçiriləcək

Ekologiya və Təbii Sərvətlər Nazirliyi və “Araz” supermarketlər şəbəkəsinin birgə təşkilatçılığı ilə növbəti “Tullantıları ekoçantaya dəyiş” aksiyası 6 mart tarixində Nəsimi rayonu, Tbilisi prospektində yerləşən Araz superstore qarşısında keçiriləcək.

Aksiya zamanı vətəndaşlar ümumi tutumu minimum 35 litr olan plastik butulka, 5 litr tutumu olan şüşə butulka/banka və ya 10 ədəd işlənmiş batareya təhvil verərək əvəzində ekoçanta əldə edə biləcəklər.

Hər kəsi aksiyada fəal iştirak etməyə, tullantıların təkrar emalına dəstək olmağa çağırırıq.

- “Araz” superstore - Nəsimi rayonu, Tbilisi prospekti, Alatava 2

- Saat: 11:00

- 6 mart