“Yaşıl Marafon” kampaniyası davam edir

IDEA İctimai Birliyi və Ekologiya və Təbii Sərvətlər Nazirliyinin birgə təşkilatçılığı ilə həyata keçirilən “Yaşıl Marafon” kampaniyası çərçivəsində ölkə ərazisinin meşə və qeyri-meşə fondu torpaqlarında ağacəkmə tədbirləri davam edir.

 

Ölkə üzrə 28 oktyabr 2021-ci il tarixində keçirilən payız ağacəkmə tədbirləri zamanı ümumilikdə 4 hektar ərazidə 4816 ədəd müxtəlif cinsli ağac əkilib, 100 kiloqram toxum səpilib. 

 

Belə ki, Bakı şəhəri, Xocasən gölünün sol sahilində 1 ha ərazidə 800 ağac, Ağcabədi rayonu üzrə 1 ha ərazidə 1666 ədəd ağac əkilib, 100 kq toxum səpilib, Xaçmaz rayonu üzrə 1 ha ərazidə 1100 ədəd ağac, Şabran rayonu üzrə 1 ha ərazidə 1250 ədəd ağac əkilib.

 

Qeyd edək ki, payız ağac əkini ilə bağlı məlumatlar mütamadi olaraq ictimaiyyətə təqdim olunacaq.