Mətbuatla İş sektoru KİV-lərlə əlaqəni yaratmaq və Nazirliyin fəaliyyəti barədə onlara daha dolğun və keyfiyyətli məlumatın verilməsi məqsədi ilə təsis olunub.

Ekologiya və Təbii Sərvətlər Nazirliyinin, o cümlədən  onun tabeli qurumlarının fəaliyyətinə dair ictimaiyyəti maraqlandıran məlumatların onlara çatdırılması kimi mühüm və məsuliyyətli  işi Mətbuatla İş sektoru yerinə yetirir. Burada məqsəd əhaliyə düzgün ekoloji məlumatların çatdırılması, ekoloji maarifləndirmə və ekoloji təbliğat işlərinin düzgün təşkil olunmasıdır.

KİV nümayəndələrinin ətraf mühitin mühafizəsi, meşələrin qorunması, respublikamızın ekoloji durumu, bioloji müxtəlifliyin inkişafı, su bioresurslarının artırılması, qlobal ekoloji problemlərlə bağlı sorğularını cavablandırmaq, mütəxəssislərlə, cavabdeh şəxslərlə müsahibələrin, televiziya çəkilişlərinin  təşkili də sektorun fəaliyyətinin əsas istiqamətlərinə daxildir.

Sektor Nazirliyin qurumlarından daxil olmuş məlumatları mütəmadi olaraq press-reliz şəklinə salaraq Ekologiya və Təbii Sərvətlər Nazirliyinin saytında (www.eco.gov.az) yerləşdirir ki, bu da mətbuat işçilərinin, eləcə də maraqlananların həm işini yüngülləşdirir, həm də onların operativ şəkildə məlumat almasını təmin etmiş olur.

Mətbuatla İş sektoru ilə əlaqə

Telefon:    (+99412) 432-41-52
Faks:         (+99412) 432-41-52 
E-mail:       ekologiya.nazirliyi@gmail.com