Azərbaycan Respublikası Ekologiya və Təbii Sərvətlər Nazirliyi

2011-ci ilin birinci yarısında Dövlət büdcəsindən
Ekologiya və Təbii Sərvətlər Nazirliyinə ayrılmış maliyyə vəsaitləri və
həyata keçirilən layihələr barədə məlumat

2011-ci ilin birinci yarısında əsasən 2009-2010-cu ildə başlamış layihələr üzrə işlər davam etdirilir. 2011-ci ilin birinci yarısında nəzərdə tutulmuş layihələr üzrə hazırlıq işləri, o cümlədən layihələndirmə, sənədləşdirmə və aidiyyəti qurumlarla razılaşdırılma prosesi həyata keçirilir.

“Dəniz suyunun duzsuzlaşdırılması zavodu” pilot layihəsi: Layihə-smeta qiyməti 5428 min manat təşkil edir və 2011-ci ilin I yarısında heç bir vəsaitdən istifadə olunmamışdır. Hazırda layihə ərazisində çöl işləri həyata keçirilir.

Samur-Yalama Milli Parkının torpaqayırma sənədlərinin hazırlanması məqsədi ilə həmin ərazinin xəritəsinin hazırlanması üçün 180 min manat vəsait nəzərdə tutulmuş, qeyd olunaq işlərin görülməsi üçün bağlanmış müqaviləyə əsasən həmin vəsait Dövlət Torpaq və Xəritəçəkmə Komitəsinə köçürüləcəkdir.

Özüyeriyən, günəş, dizel və elektrik şəbəkəsindən işləyə bilən duzlu, çox çirkli suları təmizləmək üçün mobil (modul qurğulardan fərqli olan) sutəmizləyici qurğuların alınması üçün 915 min manat vəsait nəzərdə tutulmuş, lakin istifadə olunmamışdır. Hazırda qurğuların alınması ilə bağlı açıq tender elan olunmuşdur.

Suraxanı dairəsi - Heydər Əliyev Hava Limanı - Bilgəh istiqamətində magistral avtomobil yolunun hər iki tərəfində 40 metr enində zolaqda dizayn-landşaft işlərinin görülməsi hesabına estetik görünüşünün yaxşılaşdırılması məqsədilə 5 000 min manat ayrılmış və həmin məbləğ bu işləri həyata keçirən ”Bakı abadlıq xidməti” MMC-yə ödənilmişdir.

Bayıl yamacının üst torpaq qatında eroziya proseslərinin qarşısını almaq məqsədilə yaşıllaşdırılması üçün 2 360 min manat vəsait nəzərdə tutulmuş, lakin istifadə olunmamışdır. Hazırda layihə üzrə açıq tender elan olunmuşdur.

Hövsan - Binə - Dədə Qorqud - Bahar qəsəbələri ətrafı 300 hektar ərazidə müvafiq torpaq işlərinin görülməsi, su mənbələrinin müəyyənləşdirilərək suvarma sisteminin qurulması və ərazinin yaşıllaşdırılması məqsədilə 1 000 min manat vəsait nəzərdə tutulmuş, lakin istifadə olunmamışdır. Hazırda layihə üzrə açıq tender elan olunmuşdur.

Zığ gölünün ətraf ərazilərində neft tullantılarının təmizlənməsi, müvafiq torpaq işlərinin görülməsi, su mənbələrinin müəyyənləşdirilərək suvarma sisteminin qurulması və ərazinin yaşıllaşdırılması məqsədilə 3 000 min manat vəsait nəzərdə tutulmuş, lakin istifadə olunmamışdır. Hazırda layihə üzrə açıq tender elan olunmuşdur.

Hacı Həsən gölünün ekoloji vəziyyətinin yaxşılaşdırılması üzrə layihənin hazırlanması üçün 600 min manat vəsait nəzərdə tutulmuş, lakin istifadə olunmamışdır. Hazırda layihənin hazırlanması üçün açıq tender elan olunmuşdur.

Bülbülə gölünün ekoloji vəziyyətinin yaxşılaşdırılması üzrə layihənin hazırlanması üçün 600 min manat vəsait nəzərdə tutulmuş, lakin istifadə olunmamışdır. Hazırda layihənin hazırlanması üçün açıq tender elan olunmuşdur.

Kür və Araz çayları boyu və digər yaşayış məntəqələrində əhalinin ekoloji cəhətdən təmiz içməli suya olan tələbatının ödənilməsi məqsədi ilə 2010-cu ildə 63 kənddə başlanmış işlərdən əldə edilmiş qənaət hesabına əlavə olaraq 3 kənddə, cəmi 66 kənddə işlər tamamlanmaq üzrədir. Bu işlər əvvəlki illərdə ayrılmış maliyyə vəsaiti hesabına həyata keçirilir. Nəzərdə tutulan vəsait tam ödənilməmişdir.
2010-cu ildə ayrılmış 5 000 min manat və 63 kənddə modul tipli sutəmizləyici qurğuların qurulması ilə bağlı keçirilmiş tender nəticəsində əldə edilmiş 1 000 min manat qənaət hesabına, cəmi 6 000 min manat məbləğində açıq tender keçirilmiş və tenderin qalibi İsrailin “Odis Filtering LTD” şirkəti ilə müqavilə imzalanmışdır. Müqaviləyə əsasən hazırda İsrail şirkəti tərəfindən 30-dan artıq kənddə sutəmizləyici qurğuların quraşdırılması üzrə layihə-smeta sənədləri hazırlanır və müvafiq işlərə başlanmışdır. Ayrılan vəsaitdən istifadə edilməmişdir.
Eyni zamanda, Azərbaycan Respublikası Prezidentinin 23 avqust 2011-ci il tarixli Sərəncamına əsasən Sabirabad rayonunda 8 min nəfər əhalinin yaşadığı Şıx Salahlı, Bulaqlı, Qaratuğay, Xankeçən, Poladtuğay yaşayış məntəqələrində modul tipli sutəmizləyici qurğuların quraşdırılması üçün layihə-smeta sənədləri hazırlanır və müvafiq işlər həyata keçirilir.