2006-cı ildə özünün 40 illik yubileyini qeyd edən Hidrometeorologiya Elmi Tədqiqat İnstitutunun əsası 1966-cı il martın 16-da qoyulmuş və respublikamızda məlum struktur dəyişmələrindən sonra Ekologiya və Təbii Sərvətlər Nazirliyinin nəzdində 06 mart 2002-ci il tarixdən öz fəaliyyətini davam etdirir.
Nazirliyin nəzdində İnstitut fəaliyyətini aşağıdakı əsas dörd istiqamət üzərində qurmuşdur:

1. Elmi –tədqiqat işləri
2. Elmi –metodiki işlər
3. Elmi nəşrlər
4. Yüksək ixtisaslı kadr hazırlığı

 2002 -2007-ci illərdə bu istiqamətlər üzrə aşağıdakı elmi –tədqiqat və elmi –metodiki işlər yerinə yetirilmişdir:

1. Elmi –tədqiqat işləri:

Elmi–tədqiqat işləri respublikamız üçün hidrometeorologiyanın müasir istiqamətlərini əhatə edən aşağıdakı dörd problem altında yerinə yetirilir

Problem 1. Müasir iqlim dəyişmələri və səth sularının öyrənilməsi
Problem 2. Təhlükəli hidrometeoroloji hadisələr
Problem 3. Xəzərin hidrometeorologiyası
Problem 4. Ətraf mühitin çirklənməsinin tədqiqi.

Bu problemlər altında aşağıdakı elmi tədqiqat işləri yerinə yetirilmişdir. 

 1. Böyük Qafqazın şimal – şərq yamacı çaylarının ekoloji axımının qiymətləndirilməsi (2002 -2004)
 2. Regional iqlim dəyişmələri və onun ətraf mühitə təsirinin tədqiqi (Şahdağ qoruğu timsalında) (2002 -2004)
 3. Azərbaycan respublikası ərazisində xüsusi təhlükəli hidrometeoroloji hadisələrə dair sorğu kataloqunun hazırlanması (2002 -2006)
4.Azərbaycanın Şəki –Zaqatala və Gəncə – Qazax zonalarında dolu –leysan proseslərinin tədqiqi və onların qısa müddətli proqnozu (2002 -2003)
5. Dolu –leysan proseslərinin çox qısa müddətli proqnoz metodikasının  hazırlanması (2004 -2005)

6. Radiolokasiyanın tətbiqi ilə sel və daşqın hadisələrinin proqnozu» ( 2005-2007)
7. Orta Xəzərdə (Neft Daşları və Abşeron şelfi) külək və axınlar rejiminin struktur və spektral tədqiqi (2002 -2004)
 8. Xəzər dənizində güclü qasırğaların tədqiqi (2005 -2006)
9. Atmosfer yağıntılarının torpaqların fon tərkibinə təsirinin tədqiqi (2002 -2004)
 10. Abşeron torpaqlarında neft məhsullarının miqrasiyasının tədqiqi (2002 -2004)
11. Azərbaycan torpaqlarının fon tərkibinə yağışların təsirini müəyyənləşdirmək üçün metodiki göstərişlərin hazırlanması (2005 -2006)
12. «Atmosfer çirkləndirijilərinin fotokimyəvi proseslərdən asılı olaraq dəyişmə dinamikasının tədqiqi. (Bakı şəhəri üzrə,   2005-2007)

Yerinə yetirilən elmi tədqiqat işlərindən alınmış aşağıdakı elmi –praktik əhəmiyyətli nəticələri xüsusi ilə ayırmaq olar:

 II. Elmi –metodiki işlər:

1. Dolu–leysan proseslərinin çox qısamüddətli proqnoz metodikası      hazırlanmışdır
2. Azərbaycan torpaqlarının fon tərkibinə yağışların təsirini müəyyənləşdirmək üçün metodiki vəsait hazırlanmışdır.
3. Nazir H.Bağırovun 16.06.2004 –cü il tarixli 43/ü saylı əmrinə əsasən Milli Hidrometeorologiya Departamentinin müvafiq xidmət sahələrində çox ehtiyac duyulan müxtəlif adda 17 metodik təlimatlar, tövsiyyələr, KOD və normativ sənədlər ilk dəfə olaraq azərbaycan dilində hazırlanmış respublikanın müvafiq təşkilatlarından dəvət olunan mütəxəssislərin iştirakı ilə keçirilən Nazirliyin Hidrometeorologiya və Ətraf Mühitin Monitorinqi Bölmə Elmi –Texniki Şurasında müzakirə edilmiş (protokol №8, 20. 07.07) və Nazirin 589/ü saylı  27.10.2007-ci il tarixli əmri ilə təsdiq edilmişdir.

III. Elmi nəşrlər

Bu mərhələdə aşağıdakı  monoqrafiyalar nəşr edilmişdir:

-  Proqnoz dojdevıx pavodkov na rekax Azerbaydjana (müəllif R.Mahmudov)
-  Hidrometeorologiya, İqlim dəyişmələri, Təbii fəlakətlər və   Həyat
(R.Mahmudov)
- Azərbaycanın su ehtiyatları  ( azərbaycan, rus və ingilis dillərində)
(R.Mahmudov)
-Azərbaycanda hidrometeoroloji xidmət son üç əsrdə(R.Mahmudov)
- Azərbaycanda hidrometeoroloji şərait və təhlükəli hidrometeoroloji  
  hadisələr(S.Şirəliyev, R.Mahmudov)

Dərs vəsaitləri:

- Hidroloji proqnozların əsasları( R.Mahmudov)
-  Hidrometriya ( R.Məmmədov, İ.İmanov, R.Mahmudov)

Jurnal və icmallar:
- Təhlükəli hidrometeoroloji hadisələrə dair illik XÜLASƏLƏR 
-  Hidrometeorologiya və Ətraf Mühitin Monitorinqi  jurnalı   (№3,  2006, №4, 2007)

IV. Kadr hazırlığı

Bu mərhələdə İnstitutun 4 əməkdaşı (S.Əsədov, Z.Allahverdiyev, F.Dadaşova, Y.Eyvazova) namizədlik dissertasiyalarını müdafiə etmiş, 3 aspirant isə (M.Kazımova, E.İbrahimov, C.Hüseynov) namizədlik dissertasiyaları üzərində işlərini davam etdirirlər.
Ekologiya və Təbii Sərvətlər Nazirliyində ilk dəfə aspiranturaya qəbulla əlaqədar 3 nəfər «Meteorologiya, iqlimşunaslıq» (P.Əliyev), «Qurunun hidrologiyası, su ehtiyatları və hidrokimya» (P.Hüseynov) və «Okeanologiya» ixtisasları  üzrə     (Ə. Əsgərov) aspiranturaya qəbul edilmişdir.
05.03.2007 –ci ildən Hidrometeorologiya Elmi Tədqiqat İnstitutu Mərkəzi Ofis İsveçin Stokholm şəhərində yerləşən «Qlobal Su Əməkdaşlığı» təşkilatına Tədqiqat İnstitutu kimi daxil edilmişdir.

Hidrometeorologiya Elmi tədqiqat İnstitutunun inkişaf perspektivləri

Elmi tədqiqatlarla bağlı İnstitutun inkişaf perspektivi Azərbaycan respublikasının prezidenti cənab İ.Əliyevin təsdiq etdiyi «Azərbaycan Respublikasında Hidrometeorologiyanın İnkişaf Proqramı»nda elmi tədqiqatlarla bağlı maddə olan  -4.5 –də öz əksini tapmışdır.
Maddə 4.5. Hidrometeoroloji elmi tədqiqatlar
Hidrometeorologiya elminin gələcək inkişafında aşağıdakı istiqamətlərin əsas fəaliyyət sferası kimi formalaşması nəzərdə tutulmalıdır:
- Müasir iqlim dəyişmələri və onun ətraf mühitə təsirinin qiymətləndirilməsi:
- Su ehtiyatlarının qiymətləndirilməsi və çayların daşqın proqnozu metodikasının hazırlanması:
- Çayların ekoloji axımının tədqiqi
- Meteoroloji və hidroloji quraqlıq hadisələrinin tədqiqi və onların proqnoz metodikasının işlənilməsi:
- Təhlukəli hidrometeoroloji hadisələrin öyrənilməsi və onların proqnoz məsələləri:
- Xəzər dənizinin hidrometeoroloji rejiminin tədqiqi:
- Biometeoroloji tədqiqatların aparılması:
Hazırda Hidrometeorologiya Elmi Tədqiqat İnstitutu respublikamızda hidrometeorologiya elminin gələcək inkişafında aşağıdakı prioritet istiqamtləri özünün əsas fəaliyyət sferası kimi nəzərdə tutur:
· Respublikamızda gedən islahatlara, onun iqtisadi inkişafına cavab verə bilən respublikamızın hidrometeoroloji şəraitinin öyrənilməsinə dair aktual elmi tədqiqat işlərinin aparılması
· Respublikamızda Hidrometeoroloji Xidmətin elmi əsaslara istinad edən kompleks elmi bazasını təmin etmək
· Dünya hidrometeorologiyasının tərkib hissəsi kimi dünya hidrometeorologiyasında baş verən elmi texniki yeniliklərin respublikamızda tətbiq məsələlərini öyrənmək və həyata keçirmək
· Müasir səviyyəli regional hidrometeoroloji tədqiqatları və beynəlxalq layihələrdə iştirakı ilə dünya hidrometeorologiyasına inteqrasiyanı artırmaq.
Göstərilən məsələləri həll etmək məqsədilə Hidrometeorologiya Elmi Tədqiqat İnstitutunun 2007 -2012 –ci illər üçün nəzərdə tutulmuş «İnkişaf Proqramı»ı təsdiq edilmişdir (Əmr №323/ü, 20.06.07).

Rəhbərlik və büdcə xərcləri haqqında məlumatlar

I. Hidrometeorologiya Elmi Tədqiqat İnstitutunun rəhbərliyinə daxildir:

II.  Hidrometeorologiya Elmi Tədqiqat İnstitututnun strukturu

III. Hidrometeorologiya Elmi Tədqiqat İnstitututnun illik smeta xərcləri (2007 –ci il üzrə) 84851  manat təşkil etmişdir.