Ekspedisiya üzrə 12 obyektdə geoloji-kəşfiyyat işləri davam etdirilmişdir. Məqsəd platin qrupu elementləri, səpinti-qızıl və tikinti materialları axtarışı olmuşdur. 2007-ci ilə 333 400 manat vəsait ayrılmışdır. Dağlıq Talış qırışıqlıq zonasında almaza, qızıla, platin qrupu metallara  axtarış işlərinin, Lerik, Xaçmaz rayonlarında  kompleks tikinti materiallarına axtarış işlərinin nəticələri haqqında hesabat tərttib olunmuşdur. 

Son  illər Azərbaycanda,  xüsusən də onun  əsrarəngiz paytaxtı Bakı və onun  ətraf qəsəbələrində   tikinti-quruculuq işləri  geniş  vüsət  almışdır.  Bu  artım sürətini yerli tikinti xammalı  hesabına  təmin  etmək  üçün  geoloji-kəşfiyyat işlərini gücləndirmək vəzifəsi  ekspedisiyanın üzərinə düşmüşdür. 

«Azərbaycan Respublikası Regionlarının sosial-iqtisadi inkişafı Dövlət Proqramı (2004-2008-ci illər)» çərçivəsində tikinti sənayesinin yerli xammal hesabına bilavasitə bölgələrdə ödənilməsi tapşırığı müvəffəqiyyətlə icra olunur.

Siyəzən, Netçala,  Quba, Xaçmaz, Lerik,  Yardımlı, Qaradağ rayonları, habelə  bütövlükdə Abşeron yarımadası ərazisində çoxsaylı  müxtəlif təyinatlı gil, qum, qum-çınqıl, əhəng daşı  yataqlarının   ehtiyatları hesablanmışdır və  onların bir  çoxu  istitsmar olunur.

Bununla yanaşı spesfik geoloji inkişaf tarixinə  malik  olan  Dağlıq Talış bölgəsində faydalı qazıntıların  yerləşmə qanunauyğunluqlarını öyrənmək, bölgənin geoloji quruluşunu, tektonik və maqmatik səciyyəsini araşdırmaq da bu ekspedisiyanın vacib fəaliyyət sahəsidir.  Ərazidə  mis, nikel,  kobalt, qızıl,  platin qrupu  metalları nişanələri,  ultraəsasi və əsasi  tərkibli intruziv komplekslər aşkarlanmışdır.  Bütövlükdə Dağlıq Talış bölgəsinin ciddi geoloji öyrənilməsinə böyük ehtiyac vardır və ekspedisiya bu istiqamətli tədqiqatlarla məşğuldur.