Az    Eng








Meheler haqqinda Havanin chirklendirilmesi haqqinda Nere balıgi haqqinda












Az1073, Bakı
B.Ağayev küç.100(A)
Tel/Fax: 492-59-07
Monitorinq sistemi

1.Müşahidə şəbəkəsi

Səth sularının çirklənməsinin monitorinqi şəbəkəsi 43 əsas su obyektinə - 27 cay (Kür, Araz, Alazan, Balakən çayı, Katexçay, Kürmukçay, Talaçay, Əyriçay, Ağstafaçay, Tovuzçay, İori çayı, Qoşqarçay, Kürəkçay, Şəmkirçay, Gəncəçay, Türyançay, Göyçay, Qarasuçay, Dəmiraparançay, Qudyalçay, Vəlvələçay, Qaraçay, Təngərü çayı, İstisuçay, Qusarçay, Lənkərançay, Viləşçay), 4 su anbarı (Mingəçevir, Şəmkir, Ceyranbatan, Ağstafa), 11 göl, onlardan 7-i Abşeronda (Böyük-şor, Qırmızı göl, Yasamal-1, Masazır, Kürdəxanı, Bülbülə, Xocahəsən), 4-ü ölkənin müxtəlif rayonlarında (Göy-göl, Hacıqabul gölü, Candargöl və Sarısu gölü) yerləşir və 1 liman (Dəvəçi limanı) olmaqla, 72 müşahidə məntəqəsinə, 65 şaquliyə və 66 üfüqiyə (nümunə götürülmə nöqtəsinə) malikdir. Bu məntəqələrdə tam və ixtisara salınmış proqramlar üzrə  su nümunələri götürülərək, suyun aşağıda qeyd olunan kəmiyyət və keyfiyyət göstəriciləri  təyin olunur.

Hidroloji göstəricilər:
· suyun sərfi (m3/san),
· suyun səviyyəsi (m),
· axın sürəti (m/san);
Fiziki göstəricilər:
· temperatur (0C),
· bulanıqlıq (NTU),
· şəffaflıq (sm),
· rəng (dərəcə),
·qoxu (sinif və ball);
Kimyəvi göstəricilər:
· hidrogen göstəricisi-pH,
· həll olmuş qazlar:
- karbon dioksid-CO2(mq/l),
- NH3(mq/l),
- oksigen-O2 (mq/l);
· əsas ionlar:
- xlorid - Cl-,
- sulfat - SO42-,
- hidrokarbonat - HCO3-,
- kalsium - Ca2+,
- maqnezium - Mg2+,3+
- natrium + kalium – (Na++ +K+)
- ionların cəmi - ei (mq/l),
- ümumi codluq - (mq-ekv/l);
· oksigenin 5 günlük biokimyəvi sərfi -OBS5;
· biogen maddələr:
- ammonium ionu,
- nitrit ionu,
- nitrat ionu,
- mineral azotun cəmi (mqN/l);
- fosfatlar,
- ümumi fosforun cəmi (mqF/l),
- silisium ionu -Si (mq/l);
- dəmir Fe2+, Fe3+ və ümumi (mq/l) ;
spesifik çirkləndiricilər:
- neft və neft məhsulları,
- fenollar,
- səthi aktiv sintetik maddələr-SASM (mq/l);
- davamlı üzvi cirkləndiricilər (mkq/l):
- α -HXSH,
- β -HXSH,
- γ -HXSH,
- DDT,
- DDE,
- p, p-DDD+ opDDT
· Ağır metallar(mkq/l):
- qurğuşun-Pb,
- mis-Cu,
- nikel-Ni,
- vanadium-V,
- stibium-Sb,
- molibden-Mo,
- kobalt-Co,
- alüminium-Al,
- qalay-Sn,
- manqan-Mn,
- titan-Ti,
- bismut-Bi,
- xrom-Cr,
- sink-Zn,
- civə-Hg,
- kadmium-Cd
- ağır metalların cəmi.

 2. Qanunvericilik və metodologiya

• SƏTH SULARI
1. Monitorinq sistemi
2. Səth sularının çirklənmə vəziyyəti
Faydalı linklər

• Кompleks analitik tədqiqat laboratoriyalari

• ATMOSFER HAVASI
1. Monitorinq sistemi
2. Atmosfer havasının çirklənmə vəziyyəti

• TORPAQ
1. Monitorinq sistemi
2. Torpaqların çirklənmə vəziyyəti

• Ətraf mühitin radioaktivliyi
• Struktur
• Əlaqə
Səth sularının çirklənmədən mühafizəsi istiqamətində fəaliyyət «Su Məcəlləsinin təsdiq edilməsi haqqında», «Hidrometeorologiya fəaliyyəti haqqında»  Azərbaycan Respublikasının Qanunları və bu qanunların icrası ilə əlaqədar hazırlanmış «Ətraf mühit və təbii ehtiyatların monitorinqinin aparılması qaydaları haqqında» Əsasnamə (Nazirlər Kabinetinin 1 iyul 2004-cü il tarixli, 90 saylı qərarı ilə təsdiq edilmişdir) ilə həyata kecirilir.

Ölkəmiz BMT-nin sərhəddən kecən su axınlarının və beynəlxalq göllərin mühafizəsi və istifadəsi üzrə Helsinki Konvensiyasına qoşulduqdan sonra əsas tranzit caylarımız olan Kür və Araz çaylarında suyun təmizliyinə nəzarət işlərinin dövlət tərəfindən  beynəlxalq standartlara uyğun qurulması  təmin edilmişdir. Belə ki, hər iki cayda BMT-nin AİK-nın ixtisaslı ekspertlər qrupu tərəfindən (ŞAOACQ ölkələrinin milli ekspertlərinin iştirakı ilə) hazırlanmış “Transsərhəd su axınları və beynəlxalq göllərin monitorinqi və qiymətləndirilməsi” üzrə rəhbər prinsiplərə əsaslanaraq operativ monitorinq işləri təşkil edilib.  Kür cayının suyunun keyfiyyətinə nəzarət edən müasir cihaz və avadanlıqlarla təchiz olunmuş Qazax analitik tədqiqatlar laboratoriyası və Araz cayının suyunun keyfiyyətinə nəzarət edən analoji Beyləqan analitik tədqiqatlar laboratoriyası 2005-ci ildən fəaliyyət göstərir.

Analizlər beynəlxalq İSO və QOST standartlarına əsaslanan metodikalar üzrə aparılır. Su obyektlərindən nümunələr götürülərək ilkin analizlər yerinə yetirildikdən sonra əsas kimyəvi analizlərin aparılması üçün Ətraf Mühitin Çirklənməsinin Monitorinqi Mərkəzinin müvafiq laboratoriyasına göndərilir. Laboratoriyada 50-dən çox göstərici üzrə ildə 17 minə qədər analiz aparılır. Suyun keyfiyyətini qiymətləndirmək məqsədi ilə аnalizlərin nəticələrinə əsasən (6 komponent üzrə) suyun çirklənmə indeksi hesablanır. Suyun təmizlik dərəcəsi 7 ballıq şkala üzrə qiymətləndirilir.

 
Hidrokimyəvi monitorinq proqramı
Analiz metodu
1
Həll olmuş oksigen
 Konduktometrik
2
Oksigenin 5 günlük biokimyəvi sərfi (OBS5)
Şüşə qablar metodu
3
Oksigenin kimyəvi sərfi
Titrimetrik bixromat
4
Karbon dioksid,
Nitrit ionu (NO2-)
Düzünə titrimetrik təyinat Qrissa-ilosvaya reaktivi ilə kolorometrik
5
Nitrat ionu (NO3-)
Natrium salisilat vasitəsilə kolorometrik
6
Ammonium ionları (NH4+)
Kolorimetrik hipoxlorid metod
7
Fosfat ionu (PO43-)
Kolorimetrik metodla mavi rəngli fosfor-molibden kompleksinin əmələ gəlməsi
8
 Ümumi fosfor
Kalium persulfatla yanma. Kolorimetrik
9
İkivalentli dəmir ionu (Fe2+)
Orto-fenantrolinlə kolorimetrik
10
 Ümumi dəmir
Orto-fenantrolinlə kolorimetrik
11
Silisium
Kolorimetrik metodla sarı rəngli silisium-molibden kompleksinin əmələ gəlməsi
12
Maqnezium ionu (Mg2+)
Hesablama
13
Kalsium ionu (Ca2+)
Trilon-B (etilen diamin tetraasetat turşusunun 2-li natrium duzu) ilə titrimetrik
14
Hidrokarbonat ionu (HCO3-)
Əks titrləmə
15
Ümumi codluq
Xromogen qarası ilə titrimetrik təyinat, hesablama
16
Sulfat ionu (SO42-)
Qurğuşun duzlarının benzoy turşusunun iştirakı ilə titrimetrik
17
Xlorid ionu (Cl-)
Argentometrik
18
Mis ionu (Cu2+)
Atom absorbsiya, Dəlinmiş elektrodla spektroqrafik
19
Sink ionu (Zn2+)
Atom absorbsiya, Dəlinmiş elektrodla spektroqrafik
20
Ağır metallar
Atom absorbsiya, Dəlinmiş elektrodla spektroqrafik
21
Natrium, kalium ionları (Na+, K+)
Atom absorbsiya,  Alov fotometriyası, hesablama
22
Sintetik səthi aktiv maddələr
Metilen göyü ilə kolorimetrik
23
Fenollar
Əsasi reakstraksiya kolorimetrik
24
Neft və neft məhsulları
İnfraqırmızı sonluqlu kolon, xromotoqrafiya
25
Xlorüzvi pestisidlər
Qaz-maye xromotoqrafiya
26
Hidrogen göstəricisi
Potensiometrik
27
Oksidləşmə - reduksiya potensialı
Potensiometrik
28
Elektrik keçiriciliyi
Konduktometrik
29
Rəng
Kolorimetrik titrləmə
30
Qoxu
Orqanoleptik
31
Şəffaflıq
Şrift vasitəsi ilə təyinat
32
Asılı bərk hissəciklər
Çəki metodu

Alınmış monitorinqin nəticələri əsasında transsərhəd çirklənmələr üzrə on gündən bir, ümumi su obyektləri üzrə aylıq vəziyyət təhlil olunur, su obyektlərində mövcud çirklənmə vəziyyətini  əks etdirən bülletenlər hazırlanaraq respublikada qərar qəbul edən şəxslərə, dövlət orqanlarına, KİV-ə təqdim olunur və İnternetdə yerləşdirilir.

Ən çox oxunanlar 



17/01/2012. Yaponiyada 4,7 bal gücündə zəlzələ baş verib
12/01/2012. Braziliyada güclü yağış: 16 ölü
11/01/2012. İndoneziyada güclü zəlzələ baş verib, sunami təhlükəsi elan olunub
06/01/2012. İranda 5 bal gücündə zəlzələ olub
05/01/2012. Braziliyada daşqınlar 8 nəfərin həyatına son qoyub












Ekologiya və Təbii Sərvətlər Nazirliyi tərəfindən hazırlanıb 2005-2011© Müəllif hüquqları qorunur. Məlumatlardan istifadə zamanı istinad vacibdir. E-mail: ekologiya.nazirliyi@gmail.com